نوترین ئاگەهداری نویاتیان ب بە
ره‌ڤین به‌ره‌ف گوپیتكێ وه‌رگێڕانا ( هروب نحو القمة ) ناڤونیشانێن نوترین رومانا نڤیسه‌ر و رۆژنامه‌ڤان ئه‌حمه‌د زاویته‌ی یه، ل دور ناڤه‌رۆكا رۆمانێ زاویته‌یی بۆ نوتر.ین دبێژیت “رۆمان ل سه‌ر كوره‌وا سالا ١٩٩١ ێ یا خه‌لكێ باژێرێ دهۆكێ یه، خێزانه‌كا پێكهاتی ژ زه‌لامه‌كی ناڤێ وی ئومێده و ژیێ وهی ٢٥ سالن، و هه‌ڤژینا وی ناڤێ وێ كانیكه، ل سالا ١٩٨٩ كچه‌ك دبیت ب ناڤێ وێ دكه‌نه به‌هیڤان ژبه‌ر كاره‌ساتا هه‌له‌بجه، ل ٥ ئادارا ١٩٩١ێ كوره‌ك دبیت ناڤێ وی دكه‌نه سه‌رهلدان، و دگه‌ل كوچا ملیونی ئه‌ڤ خێزانه به‌ره‌ف چه‌لێ ده‌ربه‌ده‌ر دبن، ١٠ رۆژێن سه‌رما و به‌فر و بارانان دبینن “، ئه‌حمه‌د زێده‌تر ناڤه‌رۆكا ڤێ رۆمانێ دیاردكه‌ت و دبێژیت ” پشتی ٢٦ سالان ئانكو ل سالا ٢٠١٧ ئومێد ب گه‌ریانه‌كێ د وێ رێكێ را ده‌رباز دبیت و بیره‌وه‌ریێن خۆ ڤه‌دگێریته ڤه، ئه‌ڤ رۆمانه ژیانا خه‌لكێ دهۆكێ د ده‌ته پێش چاڤ .. و مێژویا ١٠٠ سالا یا كوردان به‌حس دكه‌ت ” .
په‌رتۆك ل چاپخانا سارییلدز ئوفسیت ل ئه‌نقه‌ره هاتیه چاپكرن، ژ ٣٥٠ لاپه‌ران و ب قه‌بارێ ٢١.٥ ب ١٤.٥ پێكدهێت، و ب ١٠٠٠ دانه‌یان وه‌ك چاپا ئێكێ ل ده‌ستپێكا هه‌یڤا كانینا ئێكێ یا ئه‌ڤ ساله ٢٠١٧ دێ كه‌ڤیته د بازاری دا.
ئه‌حمه‌د حسێن ئه‌حمه‌د، ناسیار ب ئه‌حمه‌د زاویته‌یی، نڤیسه‌ر و رۆژنامه‌ڤان ل سالا ١٩٦٦ ژ دایك بویه باوه‌رنامێن بکالوریوس جیولوجی، بکالوریوس شەریعە، ماستەر راگەھاندنی هه‌نه، ١٢ په‌رتوك یێن چاپكری ب زمانێ عه‌ره‌بی و كوردی هه‌نه ژ وان مروڤ وژیان، مروڤ و جڤاک، رێکا چەلێ ١، رێکا چەلێ ٢، ژھیدانا خە ریبی یێ، ئیماندارێ بنەمالا فیرعەونی و الهروب الى الحياة، مسرحية مؤمن آل فرعون، ملا مصطفى البارزاني قصة ثورة وعلاقة، الدولة بين كوردستان وجنوب السودان، التقرير الخبري التلفزيوني الجزيرة نموذجا.
ژ سالا ٢٠٠٣ تا نوكه په‌یامنێرێ كه‌نالێ الجزيرة یه.
بۆچی ئومێد بتنێ جاره‌كا دی پشتی ٢٦ سالان د وێ رێكێ را ده‌رباز دبیت، زارۆك و هه‌ڤژینا وی چ لێهاتینه؟ بلا بۆ خوانده‌ڤانێن هێژا بیت، و د كومێنتان دا به‌رسڤ و بۆچون بهێنه نڤێسین.
